Ertzaintza, suhiltzaileak, udaltzaingoa, boluntario taldeak,
etab. alerta egoeran daude uholde arriskua dela eta.
Alerta laranja ezarri du gaurko euri-jasa
iraunkorrengatik, Larrialdiei Aurregiteko eta Meteorologiako Zuzendaritzak ohar
batean jakinarazi duenez.
Alerta egun guztian egongo
da indarrean, 24 orduan metro koadroko 80 litro pila
daitezkeela eta. Ekaitza eta txingorra egon litezke, batez ere egunaren lehen
partean. Araban metro koadroko 40 litro pilatzea aurreikusi dute.
Alerta laranja horrez gain, beste hiru abisu hori egongo dira:
haizeagatik, elurrarengatik eta olatuengatik.
Elur-kota 600-800
metro inguruan egongo da. Gora egingo du arratsaldean, eta
700-1.000 metro inguruan egongo da azken orduetan. Kantauri isurialdeko zenbait
lekutan, gogotik egin dezake. Trumoi-ekaitzak eta txingorra ere espero dira.
Haizeagatik ezarritako abisuari dagokionez, 100 km/h-ko boladak
espero dira haizeguneetan eta 60-70 km/h-koak gainerako lekuetan.
Itsasoari dagokionez, 5 metroko olatuak espero dira, baina
egunaren amaieran 3,5 metrokoak izatea aurreikusi dute.
No hay comentarios:
Publicar un comentario